Category: Sin categorizar

Guztira 110.000 pertsona izan dira Kobetamendin, musikaz eta naturaz gozatzen

Arcade Fire, Jungle, Alcalá Norte, El Columpio Asesino eta Mulatu Astatke izan dira azken eguneko highlight batzuk

Gaur eman zaio amaiera jaialdiari eta beste urte batez, modurik onenean egin da, Arcade Fire edo Jungle bezalako talde handiekin eta Alcalá Norte bezalako etorkizun handiko taldeekin. Hiru egun hauetan 50 herrialde baino gehiagotatik etorritako 110.000 pertsona izan dira Kobetamendin, jaialdi zaindu eta konprometitu honetan eskainitako zuzeneko musikaz gozatzeko, paraje paregabean.

HIRUGARREN EGUNEKO 10 MOMENTU PAREGABE:

1 Arcade Fire taldea Kobetamendin izan da beste behin, eszenatoki gainean masterclass paregabea eskaintzeko. Montrealgo taldea Bilbao BBK Live jaialdira bueltatu da beste behin, hamarkadetako ibilbidean zehar pilatuz joan diren klasikoen errepertorioa erakusteko.

Arcade Fire (Argazkia: Aliron Studio)

2 Jungle taldearen zuzeneko zainduak ez du inor epel utzi. Xehetasun osoz zaindutako eszenaratzeak zur eta lur utzi ditu bertaratutakoak eta taldearen funk, soul eta elektronika nahasketaz gozatu ahal izan dute.

Jungle (Argazkia: Aliron Studio)

3 El Columpio Asesino taldearen emanaldi bikaina gailendu da. Musika taldeak agur esateko bira bereziarekin jarraitzen du, estatu mailako indie musikan izandako bi hamarkadako ibilbidea ospatzen.

El Columpio Asesino (Argazkia: Aliron Studio)

4 Akelarrek soinu-banda jarri die kanpinean izandakoei. Asteazkenean egindako Ongi Etorri Party jaiarekin hasi eta larunbatera arte, musika-estilo desberdinetako 10 DJ baino gehiago pasatu dira jaialdiko kanpinetik, naturaren erdian goizak animatzeko.

Kanpina natural eremu batean

5 Mulatu Astatke musikariak Bilbao BBK Live jaialdiko publikoa maitemindu du emanaldi magiko batekin. Musikari, konpositore eta moldatzaile etiopiarrak bere aztarna utzi du jaialdiko eszenatokietan, jazz musika eta bereizgarri dituen Afrikako doinu tradizionalak maisutasunez konbinatu dituen performance batekin.

Mulatu Astatke (Argazkia: Blame Photography)

6 Etorkizun handiko Alcalá Norte taldeak argi erakutsi du musikaren munduko etorkizuneko apustuetako bat dela. Eskainitako emanaldian, argi erakutsi dute ospea oso azkar lortu izana ez dela zorte kontua izan, atzean presentzia, abestiak eta proiekzioa baitaude.

Alcalá Norte (Argazkia: Aliron Studio)

7 Irteera ekimenaren bigarren edizioa. BBK Fundazioak eta Bilbao BBK Live jaialdiak antolatutako ekintza da, jaialdiaren hiru egunetan mugikortasun iraunkorra sustatzeko eta karbono-aztarna murrizteko. Oinez egiteko ibilbidea pasealdi dibertigarria bihurtu da txaranga bati esker, lehenengo kilometrotik musikarekin girotu baitu igoera.

Argazkia: Marcelo.Who

8 BALORE espazioaren garrantzia. Ekitaldian zehar bisitatzeko espazioa, jaialdiak ingurumen- eta gizarte-arloko kausen alde izandako determinazioa eta konpromisoa ezagutzeko.

Balore Gunea

9 Plastikoa ezabatu da eszenatokietatik. Egurrezko estaldura jarri da Nagusia eszenatokian eta eskama formako konposizioa San Miguel eszenatokian, patsarekin eta algekin egindako biomateriala erabiliz. Eskamak banaka-banaka egin dira eta ia 100 m2-ko azalera hartzen dute. Eskamak ekoizteko prozesuak ez du hondakinik sortzen eta beraz, karbono-aztarna positiboa uzten du. Gainera, Txiki eszenatokiaren aurrealdea Karrantzako ardien artilearekin egin da, bertoko material naturalak erabiltzeari garrantzia emateko eta bertoko artilea garatzen laguntzeko, orain dela gutxira arte hondakin gisa tratatzen baitzen. Jaialdia bukatutakoan, askotariko jantziak egingo dira artile horrekin.

Txiki eszenatokia Karrantzako ardien artelearekin (Argazkia: Blame Photography)

10 Eskerrik asko! Beste urte batez, jaialdiak eskerrak eman nahi dizkie babesle guztiei eta batez ere, Bilboko Udalari. Bere laguntza gabe, ez zitekeen posible izango Bilbao BBK Live jaialdiaren edizio honen garapenerako eta hazkunderako jarritako helburuak betetzea. Eta nola ez, eskerrik asko publikoari, gorabeherarik gabe gozatzen jakin duelako eta adin eta jatorri askotako pertsonak batu direlako. Publiko gazteena duela 17 urtetatik etorri izan denari batu zaio. Datorren urtean elkar ikusiko dugu berriro, uztailaren 10, 11 eta 12an.

Grace Jones, Underworld, Khruangbin, Meute, Parcels, Ezra Collective eta Overmono izan dira altxorrez eta une gogoangarriz jositako kartelaren buru

Atzo jaialdiari hasiera eman ostean, Bilbao BBK Live jaialdiaren edizio honetako bigarren eguna izan da gaur. Zuzeneko musikak sorrarazitako emozioak bizi izan ditugu gaur ere, parekorik ez duen toki batean, Kobetamendin.

BIGARREN EGUNEKO 10 MOMENTU PAREGABE:

1 Grace Jones ikonikoa, azkenean Bilbao BBK Live jaialdian. Hirurogeita hamarreko hamarkada amaierako dantza-musikaren mugarri da eta edizio honetako publikoak gehien itxarondako emanaldietako bat izan da berea.

Grace Jones (Argazkia: David Recio)

2 MEUTE taldearen elektrotxarangari esker, dibertsioa bermatuta dago beti. Hanburgoko hamaika musikari hauen energiak hipnosi-egoerara darama publikoa eta ezinezkoa da taldearen erritmora dantzan egiteari uztea.

MEUTE (Argazkia: Blame Photography)

3 María José Llergo, flamenkoaren abangoardian, Ultrabelleza albuma aurkezten.

María José Llergo (Argazkia: Aliron Studio)

4 Jai-giroa Bilboko kaleetan zehar, Bereziak ekimenarekin. San Miguel Areatzako eszenatokian Parquesvr eta La Habitación Roja izan dira, St. Petroni Albiako Lorategiak eszenatokian Chancha Vía Circuito eta Repion, eta Vueling Isozaki Dorreak eszenatokian Kyne eta Oddliquor, Bereziak ekimenaren baitan. Doako kontzertu horiek Kobetamenditik haratago eraman dute esperientzia musikala, Fundación Industrias Creativas-ek bultzatuta, Bilbao BBK Live jaialdiarekin batera.

Bereziak

5 Murgilketa are inguratzaileagoa da Basoan. Esperientzia paregabea da baso magiko honetan musikarekiko konexioa sentitzea. Gaurkoan Jennifer Cardini, Marcel Dettmann, Ogazón, DJRum eta DJ Gostoso B2B Senda Fatal artisten setak izan dira bertan.

Basoa

6 Albert Pla abeslariaren sekulako zuzenekoa, bere Rumbagenarios ikuskizunarekin. Koreografia, proiekzioak eta The Surprise Band bertutetsua, artista katalanaren sormen amaigabearekin konbinatuta.

Albert Pla (Argazkia: Silvia Maidagan)

7 Ezezez, Silitia eta S T R talde euskaldunek publikoarekin izandako konexioari esker, akolito berriak gehitu zaizkio jarraitzaile talde leialari.

Ezezez (Argazkia: Blame Photography)

8 Artista gazteen proposamen berritzaileak: Ralphie Choo, Rosalíaren tankerako artistak jarraitzaile dituena eta Pitchfork bezalakoetan arrakasta izugarria izaten ari dena.

Ralphie Choo (Argazkia: Aliron Studio)

9 Hip hop, soul eta jazz musika, Jordan Rakei artistaren musika elektronikoarekin fusionatuta, zuzeneko hunkigarri eta instrospektiboa eratuz.

Jordan Rakei (Argazkia: Aliron Studio)

10 Khruangbin taldearen bidaia lisergikoa eta Parcels taldearen kontzertuan egindako dantzak. Jendetza batu da emanaldi bietan.

Khruangbin (Argazkia: David Recio)

Bihar, larunbatez, jaialdiak aurrera jarraituko du. Bereziak ekimenaren baitako programazioa izango da hirian eta ostean, Kobetamendin, izar asko izango ditugu, hala nola Arcade Fire, Jungle, Alvvays, Floating Points, Noname, El Columpio Asesino, Lewis OfMan, Slowdive, CHALK, Kiasmos eta Alcalá Norte. Jaialdiari itxiera ikusgarria emango diogu Bitxeandoren eskutik, Bilboko tardeo indie arrakastatsuena. Haien amabitxi Inés Hernand izango da buruan, Daniless DJ eta sortzailearekin batera, eta David Van Bylen izango dute ondoan, bere ezinezko nahasketak eginez. Ezin dugu John Talabot artistaren agurra ahaztu, funtsezko figura izan baita jaialdiaren amaierako ekitaldietan. Aurten, bosgarren eta azken aldiz itzuliko da Basoa gunera, Europako dantza-pista bereziena eta inguratzaileena bihurtzeko asmoz.

Massive Attack, The Prodigy, Air eta Sen Senra taldeen emanaldiak gailendu dira gaurko proposamen artistikoan

Bilbao BBK Live jaialdiak gaur inauguratu du 2024ko edizioa. Urtebetez zain egon ostean, jaialdiko publikoarekin berriko elkartzea magikoa izan da. Massive Attack, mito bihurtzera iritsi den eta trip hop generoaren sortzaile den taldeak, eta The Prodigy, Keith Flint hil ostetik Kobetamendira lehen aldiz bueltatu den taldeak, Maxim Reality eta Liam Howlett musikariek jaia doazen leku guztietara daramatela eta sasoi onean daudela erakutsiz, eguneko momenturik gailenetako bi markatu dituzte. Hala ere, beste hainbat ere egon dira:

LEHEN EGUNEKO 10 MOMENTU PAREGABE:

1 Martin Urrutiaren doako emanaldiak arrakasta handia izan du. BBK Salaren aurrean izan da, Bereziak ekimenaren irekieran. Hainbat eta hainbat jarraitzaile batu dira bertan eta momentu hartan Bilboko Kale Nagusitik zebilen jende ugari ere erakarri du. Hala, ezin hobeto hasi da eguna.

Martin Urrutia Bereziak (Argazkia: Martín del Busto)

2 Ateen irekiera jaialdiko momentu zirraragarrienetakoa izaten da beti. Beste urte batez, Kobetamendira bueltatu da jaialdia, datozen hiru egunotan bere publikoarekin berriro elkartzeko.

3 Barry B artistak sorpresa galanta eman digu, Carolina Duranterekin batera oso emanaldi berezia eskaini baitu boxeoko ring batean, biek batera sortu eta jaialdian aurkeztutako Yo pensaba que me había tocado Dios abestiaren harira.

Barry B eta Carolina Durante (Argazkia: Martín del Busto)

4 Oztopo bisualak kendu dira San Miguel eszenatokian eta hala, ikusgaitasuna hobetu da eta eremua zabalago bihurtu da, publikoarentzat erosoagoa izan dadin.

5 Air talde frantsesak bere album klasikoa aurkeztu du, Moon Safari, downtempo musika elektronikoaren ardatz gisa hartzen den album sofistikatu horren 25. urteurrenean. Zalantzarik gabe, Bilbao BBK Live jaialdiaren hamazazpigarren edizio honetan ahaztuko ez ditugun momentuetako bat izan da.

Air (Argazkia: David Recio)

6 Jimena Amarillo jeinuak Beefeater eszenatokia leherrarazi du, bere abestien zintzotasuna eta laztasuna zuzenean transmitituz.

Jimena Amarillo (Argazkia: Silvia Maidagan)

7 ARTE Concert kate frantsesak zuzenean emango ditu aurten Kobetamendin eskainiko diren hainbat kontzertu, arteconcert.com webgunean: Dharmacide, Shinova, Stivijoes, Ezezez, María José Llergo, Melenas, Airu, Alcalá Norte, Slowdive, El Columpio Asesino eta Arcade Fire, besteak beste.

8 Estatu mailako musika alternatiboaren banda ospetsuenak, Los Planetas, zuzenean eta osorik jo du Super 8, taldearen jarraitzaile sutsuenak markatu dituen eta duela 30 urte atera zen diskoaren errepasoa eginez.

Los Planetas (Argazkia: David Recio)

9 Sen Senra artistaren pop paregabea entzun da Nagusia eszenatokian eta argi geratu da artistaren ibilbidea geldiezina dela.

Sen Senra (Argazkia: Blame Photography)

10 Lasai eremuan programazio berezia izan dugu gaur, musika elektronikoa eskaintzen duen Rinse FM irrati britainiar ospetsuaren eskutik.

Tenguerengue Lasai (Argazkia: JudithRMG)

Jaialdiak bihar jarraituko du hirian, eguerditik aurrera, Bereziak ekimenarekin. Egun eklektikoa izango da, Chancha vía Circuito-ren elektronika latinoamerikarrarekin, Kyne eta Oddliquor-en R&Barekin, eta La Habitación Roja, Parquesvr eta Repion-en indie musikarekin. Horrez gain, kanpineko jendearentzako programazio berezia egongo da: yoga saioak goizeko 11etatik 12etara eta Akelarre, Alex Curreya, Beltranz eta Derek V. Bulcke artisten emanaldiekin. Kobetamendin, aldiz, Grace Jones artista ikonikoaren txanda izango da. Harekin batera, Underworld, Khruangbin, Parcels, Jordan Rakei, Daniela Pes, Ezra Collective edo MEUTE ere arituko dira. Halaber, Albert Pla polifazetikoa, Standstill, Aiko El Grupo, Karavana, María José Llergoren ultraedertasuna, Ralphie Chooren pop esperimentala eta Samantha Hudson celebrity, abeslari eta performerra, Oro Jondo eta Parkineos izango ditugu gure artean. Eusko labeldun artistak jaialdiaren DNAren parte dira eta horregatik, bertan izango dira Iruñeko Melenas, energiaz beteriko EZEZEZ taldea, Silitia lekeitiarrak eta S T R paregabeak.

Kobetamendira igoera antolatzeko eta denborarekin planifikatu ahal izateko, autobus zerbitzua eskainiko da (erreserbatu egin behar da), hirugarren urtez jarraian. Igotzeko baino ez da izango eta aldez aurretik erreserbatu beharko da esteka honetan.

2025eko edizioa uztailaren 10ean, 11n eta 12an egingo da eta sarrerak jada salgai daude jaialdiko informazio gunean, esklusiban eta prezio berezian.

Massive Attack, The Prodigy, Grace Jones, Underworld, Arcade Fire, Jungle, Air, Los Planetas, Khruangbin, Meute, Parcels, Floating Points, Kiasmos, Slowdive eta El Columpio Asesino taldeak tartean, 100dik gora artista arituko dira zuzenean, beste urte batez Bilbo nazioarteko kulturaren erdigunean jarriko duen jaialdian

Bereziak ekimenean guztiontzako moduko artistak arituko dira, doan: Martin Urrutia, La Habitación Roja, Barry B, Nudozurdo eta beste talde asko igoko dira hiriaren erdialdean kokatuko diren 4 agertokietara

Ordutegiei, garraioari eta eskumuturrekoak jasotzeari buruzko Informazio guztia kontsulta daiteke jada jaialdiaren webgunean eta aplikazioan

Duela hainbat urtetatik hona ohikoa izaten ari denez, Bilboko Udalak eta jaialdiak bat egiten dute eraso sexisten aurka, ‘NO ES NO… EZ BETI DA EZ’ kanpaina bultzatuz

Dena prest dago Bilbao BBK Live jaialdiaren 2024ko edizio honi hasiera emateko; uztailaren 11n, 12an eta 13an izango da, eta 100 artista baino ikusteko aukera izango dugu hirian eta mendialdean kokatutako agertokietan. Goi-mailako izenak, hala nola Massive Attack, The Prodigy, Grace Jones, Underworld, Arcade Fire, Jungle, Air, Los Planetas, Khruangbin, Meute, Parcels, Floating Points, Kiasmos, Slowdive eta El Columpio Asesino bildu ditugu musika zuzenean jotzeko Kobetamendiko natura-ingurunean.

Bilbao BBK Live nazioarteko ekitalditzat har dezakegu jada, eta esperientzia sinestezina bizitzea bermatzeko osagai guzti-guztiak biltzen ditu hiru egunetan: musika ona, askotariko publikoa eta dibertsioa naturagune paregabe batean; hori guztia munduko gastronomia onenarekin onduta.

BILBAO BBK LIVE KOBETAMENDIN

Bilbao BBK Live jaialdiaren hasierako egunean musikaren legenda handiak arituko dira, hala nola Massive Attack, The Prodigy, Air –Moon Safari album klasikoa jotzen– edo Los Planetas taldea, Super 8 lanaren 30. urteurrena ospatzen.Horietaz gain, izen interesgarri bezain askotarikoak ekarriko ditugu: Folamour (A/V), Cymande, Death from Above 1979, Sen Senra, Shygirl presents Club Shy, Orbit, Mezerg edo NewDad. Estatuko lineupari dagokionez, stivijoes promesa gaztea, Dharmacidemadrildar shoegazearen itxaropena, edo pop leloetan adituak diren El Buen Hijo aipatuko ditugu. Eguna osatzeko, Nunatak, Martín de Marte, Nexo Malito –ALTA sortzailearekin batera– eta CRRDR proiektuak izango ditugu ikusgai.

Bigarren eguneko artista nagusia Grace Jones artista ikonikoa izango da. Jamaikan sortu eta New Yorken hazia, Grace underground xelebreenaren adierazgarri da, Studio 54 mitikoan ohikoa, eta zinemaren, modaren eta musikaren munduak etengabe uztartzen dabilena. Harekin batera, Underworld, Khruangbin, Parcels, Jordan Rakei, Daniela Pes, Ezra Collective edo MEUTE ere bigarren egunean arituko dira. Halaber, Albert Pla polifazetikoa, Standstill, Aiko El Grupo, Karavana, María José Llergoren ultraedertasuna, Ralphie Chooren pop esperimentala eta Samantha Hudsoncelebrity, abeslari eta performera, Oro Jondo eta Parkineos izango ditugu gure artean. Eusko labeldun artistak jaialdiaren DNAren parte dira; Kobetamendin arituko dira Iruñeko Melenas, energiaz beteriko EZEZEZ taldea, Silitia lekeitiarrak edo S T R paregabeak.

Larunbaterako espero ditugu Arcade Fire, Jungle, Alvvays, Floating Points, Noname edo El Columpio Asesino taldeak, azken hori agur-biran. Guztion gozagarri arituko dira, era berean, Lewis OfMan frantziarra bere pop elektroniko dotorearekin, Slowdive ezinbestekoak, techno eta punk estiloen DIY nahasketa baten sortzaile diren CHALK,  Kiasmos islandiarren ambient eta elektropop estiloen artean oreka perfektua, eta Good Neighbours biralak. Estatuko artisten zerrendan daude mundu guztiaren ahotan dagoen rock alternatiboko Alcalá Norte taldea eta Alba Morenaren pop delikatua, Mujeres taldearen garage doinuak, Boye bartzelonarra eta Oki Moki euskaldunak. Gainera, ezin aipatu gabe utzi Bitxeando, Bilboko arratsalde-giroko indie arrakastatsuena,  Ines Hernand buru duela Daniless DJ taldearen sortzailearekin batera, eta David Van Bylenen nahasketa ezinezkoak lagun.

BASOA. BASO ELEKTRONIKOA

Elektronikaren magia Basoaren bihotzera eramango dugu, espazioa antolatzeko modu berezi bati esker; izan ere, biribilean jarriko baita jendea, soinuak inguratuta. Aurtengo berrikuntza DJ kabina izango da: biribilaren erdian kokatuko dugu, 360º-ko esperientzia bizi ahal izateko. Basoan proposamen sendoa izango dugu, nazioarteko club munduko erreferente interesgarrienekin. Ostegunean, DJ Tennis, Cormac eta Ketiov, baita Sofía Kourtesis eta Neska ere. Ostiralean, Marcel Dettmann, Djrum, Ogazón, Jennifer Cardini, eta DJ Gostoso b2b Senda Fatal bikoa. Larunbatean, bukatzeko, Nicola Cruz, Niki Lauda, Budino eta Gabrielle Kwarteng. John Talabot funtsezko figura izan da jaialdiaren amaierako ekitaldietan; aurten, bosgarren eta azken aldiz itzuliko da Talabot Basoa gunera, Europako dantza-pista bereziena eta inguratzaileena bihurtzeko asmoz.

LASAI. DANTZA GELDOAK BILBORA BEGIRA

Lasai gunearen hasierako premisa minutuko 100 beatak ez gainditzea zen; horrela, bada, erritmoa baretu eta tempo  mantso baina intentsitate bizien maisuekin gozatu nahi dutenen agertoki eta bilgune nagusi bihurtu da. Lehen egunerako, Rinse FM irratiak prestatu du programazioa, eta abangoardiako soinuak ekarriko ditu Aletha, Yaw Evans, Facta & K-Lone, FYI Robyn, Ben Hauke eta Thrintian artisten eskutik. Ostiralean, honako hauen txanda izango da: Xamana Jones enigmatikoa, zeinak magia egingo duen segidako hirugarren aldiz (aurreko set horietan izan zirenek badakite zertaz ari garen); Fiesta x Fiesta ekimenaren sortzaile Baldman, Lucient kitzikagarria, Toni Bass dj eta produktore mitikoa, edo Miguel Agnes podcaster eta selector eszentrikoa. Larunbatean, Berlinen bizi den  JASSS artista asturiarra arduratuko da Bilboko begiraleku bereziena hosteatzeaz, Lydo, Nathan Micay eta Nazarekin batera.

AKELARRE. MUSIKA KANPINERA ERE IRITSIKO DA

Bihar, asteazkena, Akelarrea hasiko da Bilbao BBK Live jaialdiko kanpinean, hedonismo, natura, basoa eta club doinuak ospatzeko jaia antolatuko baitugu Dinamarca, Alai eta Gelarekin. Gainerako egunetan, Akelarrearen programazioa gitarrei eta melodiei erreparatzen hasiko da eta, gero, eremu elektronikoetarantz bideratuko da, arratsalde eta gau partean etorriko denaren aurrekari, honako hauei esker: Parquesvr DJ Set, Clock Poets, Lamia Mari, Alex Curreya, Beltranz, Derek V. Bulcke, Bea Fernandes, Elena Barker eta Drummie.

BEREZIAK, BILBAO BBK LIVE HIRIAN

2011. urteaz geroztik, Bereziak ekimenaren barruan doako kontzertuak antolatu dira Bilbo erdialdeko hainbat tokitan, musika-esperientzia Kobetamenditik haratago irits dadin. Industrias Creativas fundazioak Bilbao BBK Live jaialdiarekin batera sustatzen duen proiektu honen bitartez, musika, kultura eta aniztasuna indartu nahi dira, aldaketa sozialaren nahiz partaidetza komunitarioaren katalizatzaile bihurtze aldera. Bereziak programazioa ostegunean hasiko da: uztailaren 11n Martin Urrutia BBK Salaren kanpoaldean arituko da, eta ostirala 12an eta larunbata 13an, berriz, Vueling Isozaki dorreak, St. Petroni Albiako lorategiak eta San Miguel Areatza izango dira jardueren kokaleku, bingo musikatu batekin.

Ostirala 12 egun eklektikoa izango da: Chancha vía Circuito-ren elektronika latinoamerikarra, Kyne eta Oddliquor-en R&Ba, eta La Habitación Roja, Parquesvr eta Repion-en indie-musika. Larunbata 13an, aldiz, Nudozurdo-ren itzulera izango dugu, Morreo-ren pop elektronikoa , Lisasinson riot girlak , Samuraï-ren pop-punka, eta Barry B eta Teo Lucadamo-ren errimak. Bereziak ekimenari esker, Bilbo erdialdea gune musikal zirraragarri bihurtuko da guztiontzat, tokiko komunitatearen aberasgarri.

Aurten ere, Bilbao BBK Live jaialdiaren eskumuturrekoak abantailak eta deskontuak eskaintzen dizkizu Bilboko kultur etxe, museo eta saltokietan, Bilbao BBK Live Experience! ekimenaren bitartez. Jaialdira datozen pertsona guztiek jaialdiko eskumuturrekoa erakutsi eta abantailak baliatu ahal izango dituzten puntu guztiak biltzen dira ekimen honetan. Informazio guztia aurkituko duzu jaialdiaren webgunean.

ORDUTEGIAK, GARRAIOA eta ESKUMUTURREKOAK

Badakigu, jada, artisten ordutegiak zeintzuk izango diren eta agertokietan nola banatuko diren; jaialdiaren webgunean kontsulta daiteke informazio guztia. Astelehenean eta asteartean (uztailak 8 eta 9) sarreraren ordez eskumuturrekoak jasotzeko aukera izango da, BBK Salan 11:00etatik 20:00etara bitarte. Bai San Mamesen, bai BEC! aretoan, ordutegia honako hau izango da:  asteazkena, uztailaren 10etik hasi eta larunbata, uztailaren 13ra bitarte, goizeko 10:00etatik goizaldeko 02:00etara.

Jaialdiaren eremuan EZIN IZANGO DA sarreraren ordez eskumuturrekoa eskuratu, eta jaialdiko autobusetan EZIN IZANGO DA sartu eskumuturrekorik gabe.

Jendea modu ordenatuan igo dadin eta garaiz planifikatu ahal izateko, hirugarren urtez, autobus-zerbitzua antolatu dugu aurten ere, aurrez erreserba eginda. Jaialdiaren egun bakoitzean, Felipe Serrate kaletik abiatuko da autobusa, San Mames ondoan, 16:00etatik 22:00etara arte, 10 minututik behin. Bidaiaren prezioa 3,5 € izango da, soilik igotzeko izango da eta aldez aurretik egin beharko da erreserba, jaialdiaren webgunean. Pertsona bakoitzak gehienez ere 10 txartel erosi ahal izango ditu.

Autobusen anezka-zerbitzua ere eskainiko dugu, doan, esparrura joan eta handik itzultzeko. Betiko lez, autobusak Barakaldoko BEC!-etik abiatuko dira, Ansioko metro-geltokiaren ondoan –aparkatzeko 3.500 toki izango dira prest–, baita San Mames ingurutik ere, Basurtuko Kaputxinoen kalearen amaieran, BAMI eraikinaren (Ogasuna-ETB) atzeko aldean. Autobusak etenik gabe arituko dira lanean uztailaren 10eko (asteazkena) 12:00etatik uztailaren 14ko (igandea) 15:00ak arte; zerbitzuaren maiztasuna aldakorra izango da, eskaeraren eta aurreikusitako beharren arabera. Jaialdiko egun guztietan, gutxi gorabehera 16:00etatik aurrera, Beyena fabrika zenaren inguruan geratuko dira autobusak eta, handik, oinezko egin beharko ditu jendeak jaialdiaren eremura dauden 800 metroak.

Era berean, programatutako kontzertuak bukatutakoan anezka-zerbitzuko autobusak hartu ahal izango dira bueltarako. Beyena pareko geltokitik, hesitutako guneetan egon beharko da zain Basurtu-San Mamesera edo BECera doazen autobusak hartzeko. Halaber, kanpistek ere autobusak izango dituzte kanpinera joateko, asteazkena uztailaren 10etik hasita,eta jaialdiak irauten duen hiru egunetan, 24 orduz, bi kontzertu-eremuta joateko, bai kanpinera itzultzeko

BILBAO BBK LIVE JASANGARRIA

Bilbao BBK Live erreferente da jasangarritasunaren arloan, eta, edizioz edizio, ekitaldiak ingurumenean duen eragina murriztea eta gizartean, kulturan eta ekonomian duen eragin positiboa areagotzea ditu xede. Bilbao BBK Live jaialdian garapen jasangarria dugu hizpide, jasangarri izatea ez baita berez helburutzat hartu behar, baizik eta etengabeko lan iraunkortzat, aldea markatzeko eta benetako aldaketa lortzeko munduan jaialdia osatzen duten pertsona guztien bitartez (partnerak, publikoa, bezeroak, artistak, hornitzaileak, GKEak, gizarte zibila, ikastetxeak, sektore pribatua…). Zentzu horretan, honako neurri hauek abiarazi ditugu berrikuntzaren, sormenaren, horizontaltasunaren, baterako sorkuntzaren, gizarteratzearen eta parekidetasunaren ikuspegitik:

PLASTIKOA DESAGERRARAZTEA:

Nagusia agertokiak egurrezko forramendua izango du. San Miguel agertokia ezkata itxurako konposizio batekin apainduko da, baga eta algaz egindako biomaterial batean. Banan-banan eginda, ia 100 m2-ko azalera hartzen dute. Ezkatak fabrikatzeko prozesuak zero hondakina sortzen du, eta karbono-aztarna positiboa uzten du. Txiki agertokiaren aurrealdea Karrantzako ardiaren artilearekin egingo da, 0 Km-ko material naturalen erabilera azpimarratuz eta orain dela gutxi arte hondakintzat hartzen zen material hori garatzen lagunduz. Artile honekin, jaialdia amaitutakoan, hainbat jantzi egingo dira.

BALORE ESPAZIOA:

Aurten, Bilbao BBK Live jaialdian leku berezi bat izango dugu: hazi moduko espazio, puntu, gune jasangarri, seguru, sozial eta xedez beteriko bat, ekitaldiak irauten duen bitartean martxan egongo dena, jaialdiak ingurumenarekin eta gizartearekin lotura duten kausekiko hartua duen konpromiso irmoari balioa emateko eta horri buruzko informazioa lortzeko. BALORE espazioan hainbat informazio-puntu bilduko dira:

– Puntu MOREA, jazarpen-egoerak eta indarkeria sexista salatzeko eta prebenitzeko.

– ORTZADAR puntua, Bilbao BBK Live jaialdiak LGTBIQ+ mugimenduarekin duen konpromisoari buruz.

– Puntu BERDEA, jaialdiak hartzen dituen ingurumen-neurriei buruz. – Puntu SOZIALA, Last Tour enpresaren BCorp ziurtapenari buruz, eta jaialdiak Ihobe-Eusko Jaurlaritzaren Erronka ziurtapena lortzeko egiten duen lanari buruz.

JAIALDI SEGURU ETA PAREKIDEA, ERASO SEXISTARIK GABE

2017az geroztik, Bilbao BBK Live jaialdiko antolatzaileek eta Bilboko Udalak bat egiten dute eraso sexisten aurkako borrokan, eta prebentzioko eta sentsibilizazioko kanpainak egiten dituzte. 2024. urte honetako mezua ‘NO ES NO… EZ BETI DA EZ’ da, eta aurten ere berriro kaleratuko da mezu bera, hirian izaten den ekitaldi handi honetan eraso sexistarik izan ez dadin.

Bilboko Udalak gogorarazi nahi du eraso sexista bat jasanez gero salaketa jar daitekeela eta, era berean, herritar guztiei inplikazioa eskatzen die, emakumeen eta gizonen arteko harremanak berdintasunezkoak eta indarkeriarik gabekoak izatearen aldeko konpromiso aktiboari euts diezaioten.

BILBAO BBK LIVE 2024ko uztailak 11, 12, 13 Kobetamendi, Bilbo   OSTEGUNA 11   Bereziak BBK Sala 13:00 MARTIN URRUTIA   Kobetamendi Nagusia 18:25 STIVIJOES 20:25 SEN SENRA 23:00 MASSIVE ATTACK 02:00 THE PRODIGY   San Miguel 17:45 DHARMACIDE 19:15 SHINOVA 21:35 AIR play ‘Moon Safari’ 00:50 LOS PLANETAS ‘Super 8’ lanaren 30. urteurrena ospatzen 03:35 FOLAMOUR (A/V)   Beefeater 17:30 MARTÍN DE MARTE 19:20 QUERALT LAHOZ 21:55 JIMENA AMARILLO 00:55 MEZERG 03:30 NEXO MALITO honako hauekin: CRRDR + ALTA   Txiki 18:25 NEWDAD 20:30 CYMANDE 23:10 DEATH FROM ABOVE 1979 02:10 SHYGIRL presents Club Shy   Firestone 17:45 EL BUEN HIJO 19:25 ORBIT 22:00 NUNATAK   Basoa 17:00 NESKA 19:30 KETIOV 22:00 SOFIA KOURTESIS dj set 00:30 CORMAC 03:00 DJ TENNIS   Lasai Curated by RINSE FM 19:00 THRISTIAN 20:30 BEN HAUKE 22:00 YAW EVANS 23:30 ALETHA 01:00 FACTA & K-LONE 03:00 FYI ROBYN   OSTIRALA 12   Bereziak San Miguel Areatza 12:15 PARQUESVR 13:45 LA HABITACIÓN ROJA 15:00 BINGO MUSIKATUA   St. Petroni Albiako lorategiak 13:00 CHANCHA VÍA CIRCUITO 14:30 REPION   Vueling Isozaki dorreak 14:00 KYNE 15:30 ODDLIQUOR   Kobetamendi Nagusia 18:30 MELENAS 20:20 KHRUANGBIN 22:40 GRACE JONES 01:30 UNDERWORLD   San Miguel 17:35 EZEZEZ 19:25 MARÍA JOSÉ LLERGO 21:30 PARCELS 00:05 MEUTE 02:50 OVERMONO   Beefeater 17:30 SILITIA 19:25 STANDSTILL 21:35 ALBERT PLA ‘Rumbagenarios’ 00:25 RALPHIE CHOO 03:00 SAMANTHA HUDSON 04:10 ORO JONDO 05:30 PARKINEOS   Txiki 18:30 KARAVANA 20:50 JORDAN RAKEI 23:00 EZRA COLLECTIVE 01:45 DERBY MOTORETA’S BURRITO KACHIMBA   Firestone 18:00 STR 20:00 DANIELA PES 22:05 AIKO EL GRUPO   Basoa 17:00 DJ GOSTOSO B2B SENDA FATAL 19:30 OGAZÓN 22:00 DJRUM 01:00 JENNIFER CARDINI 04:00 MARCEL DETTMANN   Lasai 19:00 TONI BASS 21:00 MIGUEL AGNES 23:00 XAMANA JONES 01:00 BALDMAN 03:00 LUCIENT   LARUNBATA 13   Bereziak San Miguel Areatza 12:15 TEO LUCADAMO 13:45 BARRY B 15:00 BINGO MUSIKATUA   St. Petroni Albiako lorategiak 13:00 LISASINSON 14:30 NUDOZURDO   Vueling Isozaki dorreak 14:00 MORREO 15:30 SAMURAÏ     Kobetamendi Nagusia 18:25 ALCALÁ NORTE 20:15 EL COLUMPIO ASESINO 22:35 JUNGLE 01:30 ARCADE FIRE   San Miguel 17:40 AIRU 19:20 ZEA MAYS 21:20 SLOWDIVE 00:15 KIASMOS 03:05 FLOATING POINTS   Beefeater 17:30 OKI MOKI 21:30 LOS BITCHOS 21:30 LEWIS OFMAN 00:30 ALVVAYS 03:10 NERVE AGENT 04:30 BITXEANDO honako hauekin: INÉS HERNAND + DANILESS + DAVID VAN BYLEN   Txiki 18:30 GOOD NEIGHBOURS 20:30 MULATU ASTATKE 23:20 NONAME 01:45 MUJERES   Firestone 17:45 BOYE 19:35 ALBA MORENA 22:00 CHALK   Basoa 17:00 NIKI LAUDA 19:30 GABRIELLE KWARTENG 22:00 BUDINO 01:00 NICOLA CRUZ 04:00 JOHN TALABOT   Lasai Curated by JASSS 19:00 NATHAN MICAY 21:30 LYDO 00:00 NAZAR 02:00 JASSS   Salmenta orokorra BONUA 175€ Eguneko sarrerak 75€ Kanpina 4 gau: 25€   Salmenta hemen: sarreren orria eta Fever Up #bilbaobbklive

Still Corners, Triangulo de Amor Bizarro 20. urteurreneko birarekin, ABHIR, Baiuca eta Barry B 5 kontzertutan izango dira irailaren 15etik azaroaren 23ra BBK Salan

SIRIMIRI Euskadin erabili ohi den hitza da, eta “pixkanaka, baina etengabe” erortzen den euri meheari erreferentzia egiteko erabiltzen da. Termino hori aukeratu du Bilbao BBK Live jaialdiak urte osoan zehar luzatuko den programazioa aurkezteko, modu jarraituan eta Kobetamendin espero den hitzorduaren aperitibo gisa.

Lehenengo datak gaur iragarriko dira, udazkena ospatzeko musika ziklo batekin, Bilbao BBK Live jaialdiak eta BBK-k antolatuta BBK Salan, Bilboko erdigunean, zuzenean arituko diren 5 artista handirekin.

Sirimiri 2024an arituko diren artistak

Still Cornersek programazioari hasiera emango dio dream pop soinu dotorearekin irailaren 15ean eta hilabete geroago, urriaren 18an, Triangulo de Amor Bizarroren txanda izango da. Azaroaren 15ean, ABHIRek zuzenean aurkeztuko du R & B, trap eta elektronika ahalik eta modu orekatuenean uztartzen dituen proiektu moldakorra, eta hurrengo egunean, azaroaren 16an, Baiucak aretoa beteko du bere folktronika galaikoarekin. Azkenik, Barry B-k modurik onenean itxiko du jaialdia azaroaren 23an, rocketik, punketik, elektronikatik, hip hopetik eta funketik edaten duen manifestazio gordin batekin. Azkenik, Barry B-k modurik onenean itxiko du jaialdia azaroaren 23an, rocketik, punketik, elektronikatik, hip hopetik eta funketik edaten duen manifestazio gordin batekin.

Sarrerak uztailaren 9an jarriko dira salgai, 10:00etatik aurrera lasttour.org eta salabbk.bbk.eus webgunetan.

Bilbao BBK Live 2024ko zure gida, jaialdiaz kezkarik gabe gozatzeko behar duzun informazio guztiarekin: cashless sistema, eskumuturrekoak jasotzea, Kobetamendirako busak, ordutegiak, esparruaren mapa, kanpatzeko gunea, armairuak, eta gehiago.
Prestatu zaitez jaialdi ahaztezin baterako!

Kargatu Cashless eskumuturrekoa

Jaialdian ordaintzeko modu bakarra izango da

Zure eskumuturrekoa diru-zorro elektroniko bat da, zure dirua gordetzeko txip batez osatua. Berarekin guztia ordaindu ahal izango duzu, jan-edanetik hasi eta merchandising-eraino.

Online kargatzen baduzu, ez duzu soberan duzun zenbatekoa itzultzea eskatu beharko, itzultzea automatikoa eta kosturik gabea izango baita.

Kargatu ONLINE zure eskumuturrekoa modu erosoan eta saihestu ilarak!

Edozein zalantza edo gorabehera izanez gero, idatzi helbide honetara: cashless@bilbaobbklive.com

Eskumuturrekoa aldatzea

Barrutian EZ da eskumuturrekorik aldatuko, eta EZINGO da autobusetara eskumuturrekorik gabe sartu.

Sarrerak eskumuturrekoengatik aldatzeko ordutegia:

BBK ARETOA (Gran Vía López de Haro 19-21. Bilbo)
Astelehen eta astearteetan (07/8-9): 11:00 – 20:00

SAN MAMES ESTADIOAN
Asteazken, ostegun, ostiral eta larunbatetan (07/10-11-12-13):
10:00 – 02:00

BEC! Kanpoaldea (Ansioko metroaren atzean)
Asteazken, ostegun, ostiral eta larunbatetan (07/10-11-12-13):
10:00 – 02:00

🚨 Eskumutur gabe ezin izango duzu sartu. Eskumuturrekoak pertsonalki jarriko dira zure sarrera ematean. Ezin da beste inoren eskumuturrekorik jaso. Uneoro jantzita eraman behar dira. 🚨

Autoz zatoz? Jaialdi osoan BEC!en prestatutako aparkaleku estalian aparkatu eta gure anezketan igo eroso.

Erreserba autobusak

Zerbitzu hau Felipe Serrate kaletik aterako da, San Mames ondoan, jaialdiaren egun bakoitzean, 16:00etatik 22:00etara. 3,5 €ren truke Kobetamendira eroso igo ahal izango zara, ilararik itxaron gabe.

Doako autobusak

Doako autobus zerbitzua, bai joateko bai esparrutik itzultzeko (erreserbarik gabe), asteazkenetik, hilak 10 ,12:00etan, igandera arte15:00etan egongo da eskuragarri. Basurtuko Kaputxinoetatik irtengo da, BAMI eraikinaren atzealdean (Ogasuna-ETB) eta BEC! (Barakaldo) Ansioko metroaren geltokiaren ondoan.

Kanpatze Gunea

Eskuragarri 10/07, asteazkenetik, 12:00etatik 14:00etara arte.

*Ordutegiak aldaketak jasan ditzakete

Nola iritsi kanpinera:

Doako autobusak egondo dira kanpina eta hiria konektatzen dutenak. San Mameseko Kaputxinoen kaletik, zein Bec!-etik (Barakaldo) Autobusak egongo dira 24 orduetan, asteazkenean 12:00etan hasi eta uztailaren 14ra arte, igandea, 15:00etan.

Kontuan izan! Uztailaren 6, 7 eta 8an 16:00etatik aurrera, San Mames edo Bec! zuzenean kanpinarekin lotzen dituen autobusa Beyenan amaituko da. Beyenan jaitsitakoan, 20 bat minutu ibili beharko duzu oinez, eta handik beste autobus bat hartu kanpineraino.

Gogoratu! Glamping denda bat erreserbatu baduzu, okupatzaile guztiek kanpatzeko sarrera ere erosi beharko dute.

Akelarre, sorgin festa Arraiz mendian

Gorde aurten ere zure gauzak lasaitasun osoz!

Gorde zure gauzak eta kargatu zure mugikorra modu seguruan zuk jaialdian dena ematen duzun bitartean.

Gastronomia

Aurten aukera gastronomiko ugari eskaintzen ditugu. Gozatu hanburgesak, hot dog-ak, wrap-ak, ogitartekoak, patata frijituak, enpanadak eta gehiago. Gainera, beti egongo dira aukera begetarianoak, beganoak eta glutenik gabekoak.

Bereziak

Doako kontzertuak hirian

Aurten ere, musika guztia ez da Kobetamendiko garaietatik bakarrik entzungo. Bereziak Bilbao BBK Liveko espiritua hirira hurbiltzeko sarrera libreko ekitaldia da, eta jaialdiaren egun bakoitzean hiriko erdiguneko lau gunetara musika gehiago eramango du uztailaren 11, 12 eta 13ko eguerdietan. Eszenatokiak BBK aretaon, San Miguel Arenal, St. Petroni Jardines de Albia eta Vueling Torres Isokazi izango dira.

BALORE, zure jasangarritasun gunea jaialdian

Gune bat, puntu bat, Hazia, Iraunkorra, Segurua, Soziala eta helburuz betea, Bilbao BBK Livera joateko, ingurumen- eta gizarte-kausekiko dugun konpromisoaren erabakiari eta balioespenari buruz informatzeko. Gure BALORE gunean hainbat informazio gune aurkituko dituzu:

– Puntu MOREA, jazarpen eta indarkeria sexistako egoeren prebentzioari eta salaketari buruzko informazioa jasotzeko.
– ARCOIRIS puntua, Bilbao BBK Livek LGTBIQ+ mugimenduarekin duen konpromisoaren berri emateko.
– Puntu BERDEA, jaialdiko ingurumen-neurriei buruzko informazioa jasotzeko.
– PUNTU SOZIALA, gure BCorp ziurtagiriari eta Ihobe-Eusko Jaurlaritzaren Erronka ziurtagiria lortzeko egiten dugun lanari buruzko informazioa emateko.

Adingabeak

Gogoratu, webgunean inprimakia betetzeaz gain, adingabe batekin bazatoz, beharrezkoa dela adingabeen baimena betetzea eta inprimatuta ekartzea eskumuturrekoa jasotzean aurkezteko.

Mugikortasun urria

Zerbitzu bereziak ditugu mugikortasun urriko pertsonentzat. Zerbitzu hau erabiltzeko, formulario hau bete behar duzu.

Cala Vento, María Escarmiento, El Último Vecino eta beste talde asko aritu dira jai-giroan eta doan Industrias Creativas fundazioaren eta BBK fundazioaren eskutik

Sondika herria izan da gaur protagonista nagusia Herrian ekimenaren bigarren edizioan. Bilbao BBK Live jaialdiari, BBK fundazioari eta Industrias Creativas fundazioari esker,Sondikako kaleak zuzeneko eta doako musika-emanaldiz gainezka izan dira: Cala Vento, María Escarmiento, El Último Vecino eta beste talde ugari, herriko hiru gunetan kokatutako agertokietan, hau da, Labarrena parkean, Goiri plazan eta tren-geltokiaren ondoko aparkalekuan. Aurreko ekainaren 1ean Hirian ekimena Bilboko Errekalde auzoan izan ostean, Bilbao BBK Live jaialdiak,Europa osoko kultur proiektu garrantzitsuenetako bat izaki, kulturaren eta gizartearen tresna izan nahian jarraitzen du, jaio zen lurraldeko, Bizkaiko, kultur proposamena aberastearren, Herrian ekimenaren bitartez beste herri batzuekin lotura eginda.

Industrias Creativas fundazioak eta BBK fundazioak bat egitearen ondorioz sortu da Herrian ekimena, Bilbao BBK Live jaialdiak bezalaxe, musikarekin, kulturarekin eta aniztasunarekin konpromiso sendoa duten erakundeak direnez. Proiektu sozial horren xedea esperientzia paregabea sortzea da, jaialdiaren mugak gainditu eta aldaketa sozialaren katalizatzaile bihur dadin, herritar guztien partaidetza sustatuta eta eraginpeko komunitateari balioa ekarrita. Gainera, musika Bilboko mugez haratago konektatzeko asmoz dator Herrian ekimena, hiriburuko kultur ekitaldietara joateko erraztasun handirik izaten ez duten herrietara eramanda kultur eskaintza. Eta hori guztia, ekimen jasangarri eta irisgarri baten esparruan. Eskerrak eman nahi dizkiogu Sondikako Udalari, edizio hau egiteko ezinbestekoa izan baita erakundearen laguntza.

Shygirl presents Club Shy, Lewis OfMan, Alcalá Norte, Gabrielle Kwarteng, Stivijoes eta Alba Morena gehitu zaizkio jaialdiko artisten-zerrendari

Bilbao BBK Live jaialdia uztailaren 11n, 12an eta 13an izango da Kobetamendin, eta, aurtengo edizioko kartela itxi berria den honetan, ordutegiak, artista bakoitza zein agertokitan arituko den eta Bereziak programazioa aurkeztu dira, hau da, jaialdiaren egunetan goizez, hirian eta doan antolatzen diren ekitaldiak. Lehendik iragarritako Arcade Fire, Jungle, Massive Attack, The Prodigy, Underworld, Khruangbin edo Parcels artistei honako hauek gehitu zaizkie gaur: Shygirl presents Club Shy, Lewis OfMan, Alcalá Norte, Gabrielle Kwarteng, Stivijoes eta Alba Morena; eta, aldi berean, JPEGMAFIA, Zoe Gotusso eta Bored Lord-en kontzertuak bertan behera geratu dira. Azken urteetan marka utzi duten soinu eta ikonoak arakatzen dituen belaunaldiarteko bidaia izango da, berriro ere, Bilbao BBK Live jaialdia.

BEREZIAK

2011ko ediziotik gertatzen ari den moduan, musika guztia ez da Kobetamendiko gainetik entzungo. Hirian, Bereziak ekimena indartsu dator aurten ere eta, hiru egunez, guztiontzako moduko kontzertuak izango dira, doan, hiriko zenbait gunetan. Industrias Creativas fundazioak Bilbao BBK Live jaialdiaren batera sortu du Bereziak proiektua, musikarekin, kulturarekin eta aniztasunarekin konpromiso sendoa duten erakundeak direnez. Proiektu sozial horren xedea esperientzia paregabea sortzea da, jaialdiaren mugak gainditu eta aldaketa sozialaren katalizatzaile bihur dadin, herritar guztien partaidetza sustatuta eta eraginpeko komunitateari balioa ekarrita.

Ostegunean, uztailak 11, Martin Urrutiak emango dio hasiera programazioari BBK Salan, eta ostirala 12an eta larunbata 13an askotariko eskaintza izango da hiru agertokitan banatuta: Vueling Isozaki dorreak, St. Petroni Albiako lorategiak eta San Miguel Areatza. Azken horretan bingo musikatua ere antolatuko du San Miguel etxeak: DJ batek alaituko du giroa kontzertu batetik besterako tartean, Bilbao BBK Live jaialdiaren historian izan diren hit garrantzitsuenak gogorarazita.

Bigarren eguna eklektiko samarra izango da musikari dagokionez: goiz eta eguerdian Chancha via Circuitoren elektronika world music latinoamerikarra ezagutzeko aukera izango dugu; R&Betik gertuago dauden erritmo urbanoagok ekarriko dizkigute Kyne eta Oddliquor artistek, eta ez ditugu gitarrak alde batera utziko, Estatuko indie panoraman ezinbesteko bihurtu diren La Habitación Roja taldeari, Parquesvr lotsabakoei eta Iñesta ahizpek osatzen dute Repion bikote elektrizatzaileari esker.

Bestalde, larunbata, hilak 13, hirugarren eta azken eguna izango da, eta Bilboko erdigunean arituko dira honako hauek: azken aldian musikaren mundura itzuli diren proiektu garrantzitsuenetako bat, Nudozurdo; Morreoren pop elektronikoa, Lisasinson riot girrrlak, Samuraïren laurogeita hamarreko hamarkadako pop-punk comebacka eta Barry B eta Teo Lucadamoren barra zorrotz eta itsaskorrak.

OSTEGUNA, UZTAILAK 11. MASSIVE ATTACK, THE PRODIGY, AIR –Moon Safari jotzen–, LOS PLANETAS – Super 8 lanaren 30. urteurrena ospatzen–

Massive Attack, The Prodigy, Folamour (A/V), Cymande, Death from Above 1979 edo Sen Senra izan ziren Bilbao BBK Live jaialdiaren lehen egunerako baieztatu genituen lehen artistak, eta beste batzuk gehitu zitzaizkien berehala egun horretako zerrendan, hala nola AIR elektronika talde sofistikatu frantsesa, Moon Safari disko klasikoa zuzenean aurkezten; disko horrek 25 urte baino gehiago dituen arren, kaleratu zutenean bezain atenporal izaten jarraitzen du soinuari dagokionez. Egun horretan beste gertakari berezi bat ere izango dugu: Los Planetas taldeak Super 8, lan enblematikoaren 30. urteurrena ospatuko du kontzertu berezi batekin, eta Estatuko indie rock musikan egindako ibilbide esanguratsua gogoratuko dute. Horietaz gain, Shygirl artistak Club Shy proiektua aurkeztuko du; elektropop eta dance-pop doinu abangoardistenekin dantzan aritzera gonbidatuko zaitu egunetik egunera bereizgarriagoa den artista horrek.

Gainera, Orbit taldeak bereizgarri duen ahots autotuneatuen soinu nostalgikoa ekarriko digu, eta Mezergen eskutik iritsiko zaigu elektronikaren eta doinu akustikoen arteko fusioa. Irlandatik, NewDad taldearen rock alternatiboa,iluntasunaren eta dreamyaren artean dantzan.

Estatuko line-up horri stivijoes sentsazio gaztea gehituko zaio, Terapia singlea biral egin denetik gora eta gora ari baita. Aurrez baieztatuta genituen, besteak beste, El Buen Hijo talde azkar eta zakarra, edo shoegaze madrildarraren itxaropena, Dharmacide. Lehen egun honetan ikusi eta entzungo ditugu, era berean, Nunatak murtziarren folk rockepikoa, Zarauzko Martín de Marte taldearen psikodelia estralurtarra eta Nexo Malito kolektibo bilbotarra,kolektiboaren sortzaile ALTAren partaidetzarekin eta CRRDR ohorezko gonbidatu izanik Bogotátik, rave eta doinu latinoetan maisu.

OSTIRALA, UZTAILAK 12. GRACE JONES, UNDERWORLD, KHRUANGBIN, MEUTE, PARCELS, ALBERT PLA Rumbagenarios

Bigarren eguneko artista nagusia Grace Jones  ikonikoa izango da. Jamaikan sortu eta New Yorken hazia, Grace underground xelebreenaren adierazgarri da, Studio 54 mitikoan ohikoa, eta zinemaren, modaren eta musikaren munduak etengabe uztartzen dabilena; Grace Jones Bilbao BBK Live jaialdian izango dugu, eta hit dantzagarriak aurkeztuko dizkigu, hala nola Slave to the Rhythm edo Corporate Cannibal. Harekin batera, bigarren egunean arituko dira beste hauek ere: Underworld, Khruangbin, Parcels, Jordan Rakei, Ezra Collective eta MEUTE, agertokia zuzeneko emanaldiko festak dakarren energiaz betetzeko prest. Albert Pla polifazetikoa ere izango dugu: kantautorea, idazlea, musikara, komikoa, sortzailea… denetik egiten du La Mesias lanean protagonista izan den katalanak; jaialdian, Rumbagenarios ikuskizuna aurkeztuko digu. Kataluniatik hauek ere, Bilbora etorriko dira Standstill taldekoak, 2015. urtean taldea desegin ostean berriro ere Bilbao BBK Live jaialdiko oholtzan elkartzeko. Talentu berriak ezagutzeko aukera ere izango dugu: Aiko El Grupo, minutuko bira kopuruaren biderkatzaileak riot espiritu gazte-gazteari jarraikiz; edo Karavana, ezinbestean jarraitu beharreko banda. Jaialdiaren bigarren egunean, Maria José Llergó kordobarrak denbora geldituko du bere ULTRABELLEZA lanarekin, eta Daniela Pes kantautore italiarra ere ezagutuko dugu. Galdu ezinezkoak dira, halaber, Ralphie Choo eta bere pop esperimentala, Samantha Hudson celebrity, abeslari eta performera, Oro Jondo dj folklorikoa gasolindegiko musika eginez, eta Parkineos makina musikaren erregea.

Eusko labeldun artistak jaialdiaren DNAren parte dira; Kobetamendin arituko dira Iruñeko Melenas, garage pop-psikodelikoarekin, energiaz beteriko EZEZEZ taldea, Silitia lekeitiarrak edo S T R paregabeak.

LARUNBATA, UZTAILAK 13. ARCADE FIRE, JUNGLE, SLOWDIVE, FLOATING POINTS, ALVVAYS

Larunbaterako iragarrita genituen Arcade Fire, Jungle, Alvvays, Floating Points, Noname edo El Columpio Asesino taldeak, azken hori agur-biran, eta LewisOfMan frantziarraren pop elektroniko dotorea.Horietaz gain, Slowdive taldearen Everything Is Alive azken lana ezagutzeko aukera izango dugu, eta BBC etxearen arabera Ipar Irlandako etorkizun handieneko taldea den CHALK, techno eta punk estiloen DIY nahasketa baten sortzaile. Islandiako Kiasmos taldeak ambient eta elektropop estiloen artean oreka perfektua jarriko du; anglosaxoiei dagokienez, UKn biral egin den Good Neighbours bikoak Home single ezaguna (eta beste asko) eskainiko dizkigu.

Estatuko artistei dagokienez, mundu guztiaren ahotan dagoen rock alternatiboko Alcalá Norte taldea eta Alba Morenaren pop delikatua izango ditugu. Mujeres taldearen garaje doinuek Kobetamendi osoa polinizatuko dute rockaren eta adiskidetasunaren gorespenarekin; Boye bartzelonarrak ereserki hedonistak ekarriko ditu jaialdira, eta Oki Moki euskaldunek lo-fi pop-punk doinuak aurkeztuko dizkigute Getariatik. Ezin aipatu gabe utzi Bitxeando, Bilboko arratsalde-giroko indie arrakastatsuena, Ines Hernand buru duela Daniless dj taldearen sortzailearekin batera, eta David Van Bylenen nahasketa ezinezkoak lagun; horrela, bada, Estatuko artisten line-up aberats eta askotarikoa geruzaz geruza aberastuko da.

BASOA. SANTUTEGI ELEKTRONIKOA BASOAREN BIHOTZEAN

 Basoan proposamen solidoa izango dugu, nazioarteko club munduko erreferente interesgarrienekin. Ostegunean Dj Tennisen erritmo biziak entzungo ditugu, Cormac irlandar DJ eta Ketioven erritmo-nahasketa queer eta sentsualak. Sofía Kourtesisek house emotiboa aurkeztuko digu dj set formatuan, eta Bartzelonan bizi den baina sortzez euskalduna den Neska espezialista dugu flora & fauna elektronikako diziplina anitzeko festak sortzen.

Ostiraleko proposamenean, talentu berritzaile eta trinkoak izango dira nagusi, hala nola Marcel Dettmann, MDR eta Bad Manners diskoetxeetako burua; eta Djrumen genero-arteko trantsizio errazak. Ogazón, zeinak house eta techno erritmoen aukeraketa bikaina eskainiko digun; Jennifer Cardini dj paristarra eta Dj Gostoso b2b Senda Fatal, Madrilgo club panoramaren barruan dauden figura dinamikoenetako bi.

Jaialdia amaitzeko, larunbatean, Nicola Cruz erdi-mitologikoak Latinoamerikako erritmo folklorikoak ekarriko dizkigu; Oaklandeko underground eszenatik zuzenean, Niki Laudaren erritmo azkar eta beroak, edo Budinok eskainiko digun Italo disco master classa. Gabrielle Kwarteng newyortarra, DJ, irratiko esatari eta komisarioa, bere setekin Berlingo Bar Panorama liluratuta utzi duena.

Basoa sortu zenetik, antolatzaileek beti nahi izan dute John Talabot izatea oasi elektroniko honi amaiera ematen diona. 4 urtez jarraian itxiera-zeremonial mitikoa egin ostean –eta ziur gaude jaialdiko erromesek esperientzia erlijiosotzat bizi izan dituztela itxiera horiek–, bosgarren eta azken aldiz itzuliko da Talabot Basoa gunera, eta Kobetamendiko basoa Europako dantza-pista bereziena bihurtuko duela hitz eman digu.

LASAI. DANTZA GELDOAK BILBORA BEGIRA

Lasai gunearen hasierako premisa minutuko 100 beatak ez gainditzea zen; horrela, bada, erritmoa baretu eta tempo mantso baina intentsitate biziez gozatu nahi dutenentzat funtsezko bilgune bihurtu da. Lehen egunerako, Rinse FM irratiak prestatu du programazioa, eta abangoardiako soinuak ekarriko ditu Aletha, Yaw Evans, Facta & K-Lone, FYI Robyn, Ben Hauke eta Thrintian artisten eskutik. Ostiralean, honako hauen txanda izango da: Xamana Jones enigmatikoa, zeinak magia egingo duen, berriro ere, segidako hirugarren aldiz (aurreko set horietan izan zirenek badakite zertaz ari garen); Fiesta x Fiesta ekimenaren sortzaile Baldman, Lucient, Toni Bass dj eta produktore mitikoa, edo Miguel Agnes podcaster eta selector eszentrikoa. Larunbatean, JASSS artista berlindarra arduratuko da Bilboko begiraleku bereziena hosteatzeaz, Lydo, Nathan Micay eta Nazarekin batera.

Bilbao BBK Live jaialdiaren hamazazpigarren edizioko kartela osatzeko lan handia egin dugu, emanaldi bakoitza berezia izan dadin eta, hartara, une bakoitza, nota bakoitza eta kontzertu bakoitza gozatu ahal izateko agertoki natural pribilegiatu batean. Konbinazio horrek egiten du Bilbao BBK Live ezinbesteko hitzordu udako jaialdien zirkuituaren barruan; eta ez gara gu hori esaten dugun bakarrak: Bilbao BBK Live jaialdiak honako sari hauek eskuratu ditu berriki Iberian Festival Awards sarietan: ‘Komunikazio-kanpaina onena’, ‘Jaialdi nagusi onena’ eta ‘Zuzeneko emanaldi elektroniko onena’.

Jaialdiaren antolatzaileek lurraldean errotutako eta benetako jasangarritasunarekin inoiz baino konpromiso handiagoa duen edizioa prestatu dute. Last Tour BCorp enpresa izendatu zuten 2023an eta, harrezkero, inpaktu sozial positiboa duten enpresen komunitate global horretako kide izateak jaialdiaren etengabeko hobekuntza eta barne-eraldaketa lortu nahi izatera bultzatzen gaitu. Horregatik, aurten ere lanean jarraituko dugu ingurumenaren, gizartearen eta gobernantzaren arloan dugun konpromisoa hobetzeko. Mugikortasuna, hondakinen kudeaketa eta energia inklusioa, berdintasuna eta klima-aldaketaren aurkako borroka funtsezkoak dira iraunkortasuna Bilbao BBK Liveren ardatz estrategiko bihurtzeko.

Bilbao BBK Live jaialdiaren antolatzaileok gure esker ona adierazi nahi diogu, bereziki, Bilboko Udalari, ekitaldi hauek gauzatzeko ezinbestekoa baita, gainerako babesle eta laguntzaileekin batera.

Salmenta tiketen orrian eta hemen: Fever Up, epeka ordaintzeko aukera izanik, eta kanpina ere izango da.

BILBAO BBK LIVE 2024ko uztailak 11, 12, 13 Kobetamendi, Bilbo   OSTEGUNA 11   Bereziak BBK Sala 13:00 MARTIN URRUTIA   Kobetamendi Nagusia 18:25 STIVIJOES 20:25 SEN SENRA 23:00 MASSIVE ATTACK 02:00 THE PRODIGY   San Miguel 17:45 DHARMACIDE 19:15 SHINOVA 21:35 AIR play ‘Moon Safari’ 00:50 LOS PLANETAS ‘Super 8’ lanaren 30. urteurrena ospatzen 03:35 FOLAMOUR (A/V)   Beefeater 17:30 MARTÍN DE MARTE 19:20 QUERALT LAHOZ 21:55 JIMENA AMARILLO 00:55 MEZERG 03:30 NEXO MALITO presenta: CRRDR + ALTA   Txiki 18:25 NEWDAD 20:30 CYMANDE 23:10 DEATH FROM ABOVE 1979 02:10 SHYGIRL presents Club Shy   Firestone 17:45 EL BUEN HIJO 19:25 ORBIT 22:00 NUNATAK   Basoa 17:00 NESKA 19:30 KETIOV 22:00 SOFIA KOURTESIS dj set 00:30 CORMAC 03:00 DJ TENNIS   Lasai Curated by RINSE FM 19:00 THRISTIAN 20:30 BEN HAUKE 22:00 YAW EVANS 23:30 ALETHA 01:00 FACTA & K-LONE 03:00 FYI ROBYN   OSTIRALA 12   Bereziak San Miguel Areatza 12:15 PARQUESVR 13:45 LA HABITACIÓN ROJA 15:00 BINGO MUSIKATUA   St. Petroni Albiako lorategiak 13:00 CHANCHA VÍA CIRCUITO 14:30 REPION   Vueling Isozaki dorreak 14:00 KYNE 15:30 ODDLIQUOR   Kobetamendi Nagusia 18:30 MELENAS 20:20 KHRUANGBIN 22:40 GRACE JONES 01:30 UNDERWORLD   San Miguel 17:35 EZEZEZ 19:25 MARÍA JOSÉ LLERGO 21:30 PARCELS 00:05 MEUTE 02:50 OVERMONO   Beefeater 17:30 SILITIA 19:25 STANDSTILL 21:35 ALBERT PLA ‘Rumbagenarios’ 00:25 RALPHIE CHOO 03:00 SAMANTHA HUDSON 04:10 ORO JONDO 05:30 PARKINEOS   Txiki 18:30 KARAVANA 20:50 JORDAN RAKEI 23:00 EZRA COLLECTIVE 01:45 DERBY MOTORETA’S BURRITO KACHIMBA   Firestone 18:00 STR 20:00 DANIELA PES 22:05 AIKO EL GRUPO   Basoa 17:00 DJ GOSTOSO B2B SENDA FATAL 19:30 OGAZÓN 22:00 DJRUM 01:00 JENNIFER CARDINI 04:00 MARCEL DETTMANN   Lasai 19:00 TONI BASS 21:00 MIGUEL AGNES 23:00 XAMANA JONES 01:00 BALDMAN 03:00 LUCIENT   LARUNBATA 13   Bereziak San Miguel Areatza 12:15 TEO LUCADAMO 13:45 BARRY B 15:00 BINGO MUSIKATUA   St. Petroni Albiako lorategiak 13:00 LISASINSON 14:30 NUDOZURDO   Vueling Isozaki dorreak 14:00 MORREO 15:30 SAMURAÏ     Kobetamendi Nagusia 18:25 ALCALÁ NORTE 20:15 EL COLUMPIO ASESINO 22:35 JUNGLE 01:30 ARCADE FIRE   San Miguel 17:40 AIRU 19:20 ZEA MAYS 21:20 SLOWDIVE 00:15 KIASMOS 03:05 FLOATING POINTS   Beefeater 17:30 OKI MOKI 21:30 LOS BITCHOS 21:30 LEWIS OFMAN 00:30 ALVVAYS 03:10 NERVE AGENT 04:30 BITXEANDO honako hauekin: INÉS HERNAND + DANILESS + DAVID VAN BYLEN   Txiki 18:30 GOOD NEIGHBOURS 20:30 MULATU ASTATKE 23:20 NONAME 01:45 MUJERES   Firestone 17:45 BOYE 19:35 ALBA MORENA 22:00 CHALK   Basoa 17:00 NIKI LAUDA 19:30 GABRIELLE KWARTENG 22:00 BUDINO 01:00 NICOLA CRUZ 04:00 JOHN TALABOT   Lasai Curated by JASSS 19:00 NATHAN MICAY 21:30 LYDO 00:00 NAZAR 02:00 JASSS     Salmenta orokorra BONU-ESKAINTZA: 175€ Eguneko sarrerak: 75€ Kanpina 4 gau: 25€ Bonua + kanpina: 200€     Salmenta hemen: tiketen orrian eta Fever Up #BilbaoBBKLive

Carlangas y Los Cubatas, Dillom, Alice Wonder, Putilatex, Doctor Explosión eta beste hainbatekin batera 18 artista arituko dira, guztira, jai-giroan eta doan Bilbao BBK Live eta Industria Sortzaileen Fundazioaren eskutik.

Hirian ospakizunerako gero eta gutxiago falta da ekainaren 1ean, larunbatean, Bilboko Rekalde auzoan. Hirian ekimenari esker, auzoko kale eta plazak jai-giroan murgilduko dira egun batez, abangoardiako musika-programazio eklektikoa eskainita, gustu guztietara irekia eta doan. Bilbao BBK Live eta Kreatibo Industriak Fundazioa-ren eskutik, festivalaren tradizionala den aurrerapenak, Bilbao BBK Live kultura eta aniztasuna eramaten ditu urtero Bilboko auzo batera.

Lau agertokitik, Errekalde Plazan, Peña Lemoan eta autobidearen zutabeen azpian, musika garaikidearen irudiak igaroko dituzte.

Bat (Errekalde Plaza)

Agertoki honetatik pasatuko dira Dillom rapero argentinarra, Novedades Carminha taldeko lider izan zena proiektu berria, Carlangas y Los Cubatas, “Albaceteko elektro-punk taldetzat” Putilatex, Ezpalak taldearen rock euskaldun sendo eta berriena eta Pablo Und Destruktion Asturiasko musikari berezi-berezia.

Bi (Peña Lemona)

Bigarren agertokian Garage-rock psikodelikoko Doctor Explosión taldea, Euskoprincessen energia eta askatasuna, Alice Wonder abeslari eta konpositoreren publikoarekiko lotura sinestezina eta HUDAren talentua eta errimak izango dira.

Hiru (Peña Lemona)

Aurrez aurre, hirugarren agertokia jarriko da, eta zuzenean arituko dira Las Odio taldeko riot grrrl, Germán y La Alegría del Barriobere rock proposamenarekin, Bilboko Maren-en ahots gozoa, Pipiolas bikoak hainbat musika-generotara jotzen duena, eta Mirua gipuzkoar taldea, interes artistiko musika-estilo desberdinekin esperimentatzen duena. 

Basoa In The City (Autobidearen azpian)

Proposamen elektronikoena agertoki honetara iristen da Madrildar gauetan erreferente bihurtu den Juguete DJ, $kyhook, bere soinua beatz beat sendotu duena, Ruptura-ren pop eta denbow set-ak eta Coolnenas DJ hirukote leherkorra.

Hirian ekimeneko egitaraua Errekalde auzoko kaleetara iritsiko da aurten, ekainaren 1ean, larunbatean, aire zabaleko emanaldiak izanik, egunez eta doan, Bilbao BBK Live jaialdiaren aurrerapen gisa. Bestalde, jaialdia bera uztailaren 11n, 12an eta 13an izango da Kobetamendin, eta eguneko sarrerak, bonuak eta kanpinerako txartelak salgai daude jada hemen: bilbaobbklive.com/eu/tickets/. 

Hirian Kreatibo Industriak Fundazioaren proiektu bat da, eta Bilbao BBK Live jaialdiarekin batera, musikarekiko, kulturarekiko eta aniztasunarekiko konpromiso hautsiezinari eusten diote. Proiektu sozial hau jaialdiaren mugak gainditzen dituen esperiantzia bat sortu eta aldaketa sozialerako eta aberastasun kulturalerako katalizatzaile bihurtzeko helburuarekin sortzen da, herritarrei balioa emanez eta sarbide librearekin herritar guztien parte-hartzea sustatuz eta eragina duen komunitateari balioa emanez. Eskerrik asko, era berean, Bilboko Udalari, edizio hau egiteko ezinbestekoa izan baita bere laguntza.

Kreatibo Industriak Fundazioa

Kreatibo Industriak Fundazioa fundazioa 2020. urtean sortu zen, kulturaren garapenean ekarpenak egiteko asmoz, gizartea aldatzeko oinarri den aldetik. Last Tour sustapen-konpainiaren enpresa-jarduera ekimen sozialagoetatik bereizteko beharraren ondorioz sortu zen, betiere kultura indartzeko helburu nagusiari jarraikiz. Jarduera-ildo nagusiak ikerketa, zabalkundea, gaikuntza eta lankidetza-proiektuak dira; horien guztien bitartez, gizarte kohesionatuagoa, bidezkoagoa, berritzaileagoa eta positiboagoa lortzeko ekarpena egiten du, etorkizunari begira gainditu beharreko erronken aurrean irudimen handiko erantzunak emateko gai den gizartea lortzeko.

Bilbao BBK Live

Bilbao BBK Live erreferentziako jaialdietako bat da iberiar penintsulan ez ezik, baita Europan ere; urtero egiten da uztailaren erdialdean, Euskal Herrian, eta nazioko eta nazioarteko artista ezagunenak biltzen ditu 12 bat agertokitan, natura-ingurune pribilegiatu batean.

HIRIAN 2024ko ekainak 1, larunbata Errekalde, Bilbao CARLANGAS Y LOS CUBATAS  DILLOM  ALICE WONDER  PUTILATEX  DOCTOR EXPLOSIÓN  COOLNENAS  EUSKOPRINCESS  EZPALAK  GERMÁN Y LA ALEGRÍA DEL BARRIO  HUDA  JUGUETE  LAS ODIO  MAREN  MIRUA  PABLO UND DESTRUKTION  PIPIOLAS  RUPTURA  $KYHOOK  #hirian  BILBAO BBK LIVE 2024ko uztailak 11, 12 eta 13 Kobetamendi, Bilbo Sarrerak eta bonuak salgai hemen: bilbaobbklive.com/eu/tickets/  #bilbaobbklive

Cala Vento, Chill Mafia, María Escarmiento, El Último Vecino eta beste talde asko jai-giroan eta doan

Jaialdiak zuzeneko musika eramango du Bizkaiko beste herri batzuetara, Industrias Creativas fundazioaren eta BBK fundazioaren eskutik

Europa osoko kultur proiektu garrantzitsuenetako bat izaki, Bilbao BBK Live jaialdiak kulturaren eta gizartearen tresna izan nahian jarraitzen du, jaio zen lurraldeko (Bizkaia) kultur proposamena aberaste aldera. Duela gutxi Hirian programazioa aurkeztu ostean, orain, Herrian ekimenaren bigarren edizioa aurkeztuko dugu gaur, BBKren eta Industrias Creativas fundazioaren eskutik. Ekainaren 15ean, Sondikako kaleak zuzeneko musikaz beteko dira, jaialdiaren atariko moduan, eta beste udalerri batzuk konektatuta doako kultur proposamenaren bitartez. Gainera, jaialdirako sarrerak prezio berezian erosi ahal izango dira, ekitaldian bertan.

Herrian programaren barruan Sondikarako prestatu den programazioa gustu guztietarako modukoa da, gaur egungo proposamen fresko eta ezagunez beterik. Cala Vento indie-rock bikote kataluniarra 2016an sartu ziren musikaren panoraman, indartsu sartu ere, eta, harrezkero, etengabe egin dute aurrera, gaur egungo proiekturik erakargarrienetako bat bihurtzera iritsita. Chill Mafia Iruñeko kolektibo bat da, eta fenomeno sozial bihurtzera iritsi dira kideen jarrera lotsagabearekin, umorez eta pozoiz betetako letrekin eta askotariko eraginekin: 80ko hamarkadako punk musikarekin hasi, reggae, dub, reggaeton, hip hop estiloekin jarraitu eta, jakina, euskal kantu tradizionalekin bukatu. María Escarmiento nortasun handiko emakumea da; mainstreama ate-joka izan du artistak gau eta egun, baina beti eutsi dio underground espirituari eta, azken batean, nahi duena egiten du une oro. Operación Triunfo saiotik irten zelarik, bere karrera bideratzen hasi eta askotariko estiloen eskaintza heterogeneoa –baina ez loturarik gabea– lortu zuen. Gerard Alegrek hamar urte baino gehiago daramatza El Último Vecino proiektuaren buru izaten; aski denbora, beraz, bere musikak ezkutatzen duen egia zalantzagabea eta argia egiaztatzeko; bonba emozional bat, urrakortasunarekin eta hunkigarritasunarekin lotzen gaituen etengabeko bilakaera-prozesu baten ondorio.

Norbaitek GAZZI lehen aldiz eta itsu-itsuan entzuten badu, litekeena da Erresuma Batuko garaje batetik atera dela pentsatzea. Baina harrigarria den arren, Pablo Jiménez artista berria Jaéngo Linares herrikoa da, eta Burial edo Four Fet ditu erreferente. The Lizards Bartzelonako power hirukote bat da, soinu irmoa duena, Joan Jett, Motörhead edo Misfits taldeen eraginpean. Elektronika, distortsioa, gitarrak eta oihuak hain egoki lerrokatuta uztartzen dira, ezen Sal del Coche entzuten duzun lehen aldian berriro entzun nahi izango baituzu, abestien xehetasun guztiak aztertzeko. Korrontzi proiektua euskal herri-musikari ukitu modernoagoa eta garaikideagoa emateko asmoz sortu zen, baina betiere trikitixan, txalapartan edo albokan oinarritutako musikaren ikuspegitik; egun, ehunka jarraitzaile ditu. Alejok rock nafarretik bezainbeste edan du The Beatles edo The Rolling Stones taldeen diskografietatik, eta pasio hori guztia bere bakarkako ibilbidera ekarri du. Yogurinha Borova hainbeste gauza da batera, ezen hitz bat motz geratzen baita: abeslaria, aktorea, aktibista, drag queena… Pertsonaiaren atzean, Eduardo Gaviña Marañon dago, agertokira igotzean zeharo aldatzen den eta publikoa erremediorik gabe erakartzen duen artista.

Horietaz gain, Sondikako agertokietan beste artista hauek ere ikusi ahal izango ditugu: Suave, Bilboko abeslari eta konpositorea, Rusowsky edo Mori handiekin ibilitakoa; Sarria malagarra, espainieraz abestutako pop rockaren promesa handienetako bat; Alai DJ, ekoizle eta artista elektronikoa, Gaztea irratiko Maketa Lehiaketan Harrobi sariaren irabazlea; Xsakara rapero bermeotarra, Euskal Herrian berria den proposamenarekin.

Industrias Creativas fundazioak eta BBK fundazioak bat egitearen ondorioz sortu da Herrian ekimena, Bilbao BBK Live jaialdiak bezalaxe, musikarekin, kulturarekin eta aniztasunarekin konpromiso sendoa duten erakundeak direnez. Proiektu sozial horren xedea esperientzia paregabea sortzea da, jaialdiaren mugak gainditu eta aldaketa sozialaren katalizatzaile bihur dadin, herritar guztien partaidetza sustatuta eta eraginpeko komunitateari balioa ekarrita. Gainera, musika Bilboko mugez haratago konektatzeko asmoz dator Herrian ekimena, hiriburuko kultur ekitaldietara joateko erraztasun handirik izaten ez duten herrietara eramanda kultur eskaintza. Eta hori guztia, ekimen jasangarri eta irisgarri baten esparruan.

BBK

BBK eragile ekonomiko-finantzario soziala da; Bizkaiko ekonomia, hazkunde ekonomikoa eta enplegua sustatzen laguntzen du, inbertsioak eginez, eta Kutxabank da, besteak beste, horietan nagusia, banku horren kontroleko akzioduna den aldetik (akzioen % 57 ditu). Inbertsioetatik lortzen duen dibidenduarekin, Gizarte Ekintza finkatu eta bermatzen du, eta Estatuko Gizarte Ekintza handiena da biztanle bakoitzeko, eta bigarrena tamainari dagokionez. Gizarte Ekintza da fundazioaren izateko arrazoia; balio sozial eta ekonomiko jasangarria sortzen du bizkaitar guztien mesederako, inpaktu sozialaren maximizazioan oinarrituta.

Industrias Creativas fundazioa

Industrias Creativas fundazioa 2020an sortu zen, helburua kultura- eta sormen-industriak eraberritzea eta indartzea izanik, betiere kultura-esperientzian oinarrituta gizartea aldatzen laguntzeko. Last Tour sustapen-enpresaren enpresa-jarduera izaera sozial nabarmena duten ekimenetatik bereizteko beharrak ekarri zuen fundazioa sortzea, kultura- eta sormen-industrien sektorean berrikuntzarako, prestakuntzarako eta ekintzarako gune bat izatearren, eta gizartean eragina izateko bokazioarekin. Bost jarduera-ardatzen inguruan aritzen da kultura- eta sormen-industrien sektorean berrikuntza, profesionalizazioa eta errekonozimendua bultzatzeko ikerketaren, esperimentazioaren eta trebakuntzaren bitartez; gainera, dibulgazioko eta gizartean eragina duten jarduerak ere egiten ditugu.

Bilbao BBK Live

Bilbao BBK Live erreferentziako jaialdietako bat da iberiar penintsulan ez ezik, baita Europan ere; urtero egiten da uztailaren erdialdean, Euskal Herrian, eta nazioko eta nazioarteko artista ezagunenak biltzen ditu 12 bat agertokitan, natura-ingurune pribilegiatu batean.

HERRIAN Larunbata, 2024ko ekainaren 15a Sondika ALAI / ALEJO / CALA VENTO / CHILL MAFIA / EL ÚLTIMO VECINO / GAZZI / KORRONTZI / MARÍA ESCARMIENTO / SAL DEL COCHE / SARRIA / SUAVE / THE LIZARDS / XSAKARA / YOGURINHA BOROVA #herrian  BILBAO BBK LIVE 2024ko uztailak 11, 12, 13 Kobetamendi, Bilbo Salmenta hemen: bilbaobbklive.com eta Fever Up #bilbaobbklive