BILBAO BBK LIVE ESPERIENTZIA

Jaialdi paregabea ingurune ezin hobean

Europako erreferentziazko jaialdietako bat da Bilbao BBK Live, 12 agertoki hartzen dituen inguru natural pribilegiatu batean kokatua. Kobetamendiko naturguneaz gozatzeko esperientzia magikoa, publikoarentzat pentsatutako proposamen gastronomikoa, Bilbo bezalako hiri kosmopolita, eta, batez ere, musika-barietate estimulatzaile eta apurtzaileena.

KOBETAMENDI
Toki paregabea da eta zorionez, jaialdiaren esparrua. Parke naturala da, zelai zabalak dituen berdegunea, eta baita, Basoa gunea hartzen duen baso txiki bat. Bistak benetako luxua dira, Bilboko panoramika onena du!

SARRERAK

ARTISTAK

ZURE EGONALDIA ANTOLATU

BILBO

Bizitzaz beteriko hiri kosmopolita

Guggenheim Bilbao Museoa

Bilbo nazioarteko mapan jarri zen, batez ere, Guggenheim Bilbao Museoari esker, Frank Gehry arkitektoak eraikitakoa.
Puppyk, Jeff Koonsen txakur erraldoi eta lorez beteak eta Louise Bourgeoisen Mamák, ia 9 metroko armiarma baten eskulturak ongietorria egingo dizute.

Hondartzak

Jaialdiko gauetatik ongi esnatzeko Bilbo inguruko hondartzetara joatea bezalako planik ez dago. Izan ere, hiri gutxitan eramango zaitu metroak hiriaren erditik itsasertzera, 30 minutu baino gutxiagoan.
Getxo eta Sopela hain gertu izanda, surfa egitera joan daiteke edo uretan ibili besterik gabe Arrigunaga, Larrabasterra, Barinatxe edo Atxabiribileko hondartzetan. Eta sentitu eguzki izpiek eta itsasoak nola indarberritzen zaituzten.

Surfa

Zure ura, olatuak eta taula batera igo eta surf egitea al da? Esan bezala, Getxo eta Sopelako olatuak ordu erdira dituzu metroz joanez gero. Gutxiren esku dagoen luxua. Baina erabateko esperientzia bizi nahi baduzu, handienetakoa, Europako ezkerreko olutirik hoberena ere bertan duzu, Mundakan. Mundu osoan aitortua, surflarientzako erabateko esperientzia da. Eta zu, ausartuko al zara?

Pintxoak

Markatu gorriz hiru eremu zure mapan: Pozas, Diputazioa eta Zazpi Kale. Hemen biziko duzu pintxoez gozatzeko egiazko esperientzia. Poza Lizentziatuaren kalea, ondoan San Mames duela, hasteko toki bikaina. Ondoren, Aldunditik eta Ledesma kaletik jarraituko dugu proposamen gourmetagoarekin eta amaitzeko Zazpi Kaleak;tradiziorik handieneko tabernak eta lokalik modernoenak elkarren ondoan daude Bilboko auzorik zaharren honetan. Hemen dituzu iradokizun batzuk, Bilboko pintxo tokirik hoberenetakoak.

Bilbo Zaharra

Baina artisau-garagardoak eta kafetegi politak gustuko badituzu, Bilbo Zaharra duzu egokiena. Zazpi Kaleren parean dago eta itsasadarra zeharkatu besterik ez duzu egin behar auzo koloretsu honetara iristeko. Auzoa berpizten ari da eta proposamen interesgarriz beteta dago: gastronomikoak, kulturalak, sozialak… Aparteko topagunea da, zalantzarik gabe.

Game of Thrones

Seriearen jarraitzaile sutsua zara? Ordu erdi nahikoa duzu Rocadragonera joan eta Gaztelugatxeko 241 eskailera-mailak igotzeko Daenerys Targaryen, Jon Snow, Tyrion Lannister, Lord Davos, Missandei eta gainerakoek bezala. Gauza gehiago egiteko gogoa baduzu, harrizko hondartza nudista batera joan zaitezke, Barrikako Muriola hondartzara; ‘La Cantera’ ere esaten diote.

Diskodendak

Oraindik ere badira, bai, eta musika ona maite dutenentzako oasiak dira. Power Records nabarmentzen da, Espainiako 10 diskodenda hoberenetako bat. Baina gehiago ere badira, esaterako, Flamingo Records , deskatalogatutako biniloen paradisua; Harmony Rock edo Brixton Records denda espezializatua.

Michelín izarrak

Euskadin dago munduko Michelin izar gehien bataz beste. 28 izar 19 jatetxetan; eta horietako lau, maila gorenekoak. Gainera, Restaurant aldizkari ospetsuak munduko 50 jatetxerik hoberenen zerrenda argitaratzen du eta lehenengo 35etik 5 Euskal Herrian daude. Denak ezagutu nahi?

Itsasadarra

Zorionez, Ibaizabalen itsasadarra ez da duela 30 urteko hura. Gaur egun erabat birgaituta eta garbituta dago eta hainbat aukera eskaintzen ditu hiria uretatik bizitzeko: piraguatik, itsasontzitik edo SUP taula gainetik. Zuk zeuk aukeratu.

Visit Biscay

Bizkaian denetarik egin dezakezu: hiria, kostaldea edo mendia? Ezagutu planik onenak Visit Biscay-n. Adin guztietarako plan ugari dituen webgune espezializatu bat, Bizkaiko egonaldia ahaztezina izan dadin.

Bilbao BBK Live Experience!

BILBAO BBK LIVE-RA JOATEAK SARIA DU

Musika programazioari Bilbao BBK Live Experience! gehitu behar zaio, jaialdira datozenei hiriko hainbat denda eta museotan abantaila izugarriak eskaintzen dizkiena.
Abantaila horiek eskuratzeko, jaialdiko eskumuturrekoa jarri eta erakutsi beharko da markatutako puntuetan. Erakutsi eskumuturrekoa eta gozatu Bilbo hiriaz!

Mapan, parte hartzen duten saltokiak ikus ditzazkezu. Gainera, deskontuak izango dituzu Guggenheim Bilbao Museorako, Bilboko Athletic Club Museorako edo Arte Eder Museorako sarreretan uztailaren 6tik 9ra.

Jaialdira etortzen bazara, eskumuturrekoa museoko sarreran erakutsita soilik, % 25eko deskontua lor dezakezu Guggenheim Bilbao Museoko sarreran.

Gozatu uda honetako erakusketekin: Yayoi Kusama: 1945etik gaurdaino, Lynette Yiadom-Boakye. Halako ilunabar bizirik, Oskar Kokoschka. Vienako errebeldea, …

Ezagutu museoa

Gozatu %10eko deskontuaz Bilboko Athletic Club Museoan. #BilbaoBBKLive_Athletic kodea erabili online erosketa aurreratuetan, eta behin museoan, erakutsi jaialdiko zure eskumuturrekoa. Online erreserba ekainaren 27tik aurrera.

Aurrez aurreko erosketetarako, deskontua zuzenean leihatilan egingo zaizu, eskumuturrekoa erakusten duzunean.

Zure bisita erreserbatu

Aurten, Arte Ederren Museoak doako sarrera eskainiko die Bilbao BBK Liveko parte-hartzaile guztiei.

Horretarako, zure eskumuturrekoa erakutsi beharko duzu museoko sarreran.
Musikarik onenaz gozatzeaz gain, gozatu antzinako arteaz, arte modernoaz eta gaur egungo artelan garrantzitsuez!

Ezagutu erakusketak

sarrerak

JASANGARRITASUNA

Kontzientzia eta oxigenoa ereiten dugu

Klima-aldaketarekin dugun konpromisoa

Duela gutxi Balmasedako (Enkarterri) eta Bizkaiko biriketako suteek kaltetutako zonaldeko baso-berritzera 3€ bideratzen ditugu saldutako sarrera bakoitzetik.

Lehen ediziotik argi utzi dugu iraunkortasunaren eta naturguneen zaintzaren aldeko apustua.
Klima aldaketari eta gure lurraren ingurune naturala zaintzearen garrantziari buruzko arreta eta kontzientziazio mezua zabaldu nahi dugu. Kontzientzia ereiten ez ezik, oxigenoa ereiten ere lagundu nahi dugu.

LAST TOUR, BILBAO BBK LIVE ANTOLATZEN DUEN ENPRESA, B CORP DA

B Corp mugimendu globala da, eta Last Tour bezalako erakunde batek gizarterako, erakundearekin lotutako pertsonentzako eta ingurumenerako inpaktu sozial positiboa lortzeko egiten dituen ahaleginak ebaluatzen eta egiaztatzen ditu; baita gizartea aldatzeko gure helburua etengabe berrikustera bultzatu.

Estandarra gainditzeko gakoetako batzuk hauek izan dira:

– Jaialdietan ingurumen-inpaktua murrizteko egindako jarduerak, hondakin gutxiago sortzeko eta birziklatzeko sistema zorrotz baten bitartez; mugikortasun jasangarria sustatzea,eta sexu-erasoen aurkako eta genero-berdintasunaren aldeko prebentzio- eta sentsibilizazio-programak..

– Tokiko lantaldeak kontratatzea.
Gizartean eta kulturan ahalik eta inpaktu handiena izatea, doako kontzertuen bitartez.

– Enpresaren konpromiso zibikoa eta jaialdietatik egiten diren dohaintzak migratzaileei laguntzeko proiektuetarako, eremuak basoberritzeko edo Elikagaien Bankurako.

– Pandemia garaian zuzeneko musikaren arloko langileen sektoreari laguntzeko egindako ekimena.
– Bilbo hirian duen eragin ekonomikoa.

JASANGARRITASUNA

Kontzientzia eta oxigenoa ereiten dugu

Klima-aldaketarekin dugun konpromisoa

LAST TOUR, BILBAO BBK LIVE ANTOLATZEN DUEN ENPRESA, B CORP DA

Estandarra gainditzeko gakoetako batzuk hauek izan dira:

sarrerak

GARAPEN JASANGARRIRAKO HELBURUAK
BILBAO BBK LIVE JAIALDIAN

GJH edo Garapen Jasangarrirako Helburuak 2015. urtean asmatu zituen Nazio Batuen Erakundeak, 2030. urterako pobrezia desagerrarazi, planeta babestu eta guztiontzako oparotasuna bermatzeko 17 helburu globalen bitartez. Goserik ez izatea, genero-desberdintasunaren aurka borrokatzea, edateko ura bermatzea edo klima-aldaketaren arazoa konpontzea dira, besteak beste, 2030 Agenda honen helburuak. GJHen arabera, mundua aldatzeko, denok egin behar dugu zerbait, bai gobernuek, bai sektore pribatuak, bai gizarte zibilak, baita norbanakoek ere. Helburu hauek jaialdiaren antolaketatik erabiltzen ditugun aliatuak dira, denon artean, mundu hobeago bat eraikitzen laguntzeko, non inor atzean geratuko ez den.

Gurea kultura-sektorearen berrikuntza eta garapenaren aldeko apustua garapen iraunkorreko plan batean gauzatzen da, non parte-hartzaile guztiak inplikatzen ditugun ekitaldiaren fase bakoitzean. azken edizioen eragin positiboa, betetzeko geratzen diren hainbat erronkaz jabetzen gara eta berrikuntza jasangarria dela aurrera egiteko bidea uste dugu.

BBK FUNDAZIOA, BILBOKO IRAUNKORTASUNAREN BAZKIDE ESTRATEGIKOA BBK LIVE

03 – Osasuna eta Ongizatea

– Tokian tokiko produktuen erabilera sustatzea, tokian tokiko hornitzaileekin hitzarmenak eginez
– Yoga klaseak doan kanpinean
– Gastronomia-eskaintza zabala, elikadura-murrizketa guztiak kontuan hartuta
– Dieta mediterraneoa sustatzea

04 – Kalitatea eta Hezkuntza

– Laguntzaileen postuetarako zuzeneko prestakuntza
– Lehenengo lana lortzeko kontratazioa sustatzea, betiere dagokion prestakuntza izanik
Euskal Herriko Down Sindrome eta beste adimen urritasunen Fundazioarekin lankidetzan, LAN programako 4 gaztek praktikak egin dituzte jaialdian.

05 – Genero-berdintasuna

– Jaialdian puntu morea kokatzea
– Jaietako aisialdi-guneetan gertatzen diren eraso sexisten aurkako protokoloa (2023an berrikusitako protokoloa)

06 – Ur garbia eta saneamendua

Doako edateko uraren iturriak esparruan.

07 – Energia merkea eta garbia

Energia-eraginkortasuneko neurriak – banaketa elektrikoa unean uneko eskariaren arabera optimizatzea.

08 – Lan duina eta hazkunde ekonomikoa

– Langileak zuzenean kontratatzea.
Tokian tokiko ekonomia sustatzea, Bilboko merkatari berritzaileekin aliantza (CiB)

10 – Desberdintasunak murriztea

Irisgarritasuna eta arreta bermatzea jaialdiaren barruan mugikortasun urria dutenei

11 – Hiri eta komunitate jasangarriak

Turismo iraunkor eta kulturalaren estrategia

12 – Kontsumo eta ekoizpen arduratsua

– Materialak berrerabiltzea
– Ekintzak ERRONKA GARBIA taldearekin:
· Jaialdiko langileen prestakuntza
·Sentsibilizazioa talde berdearen bitartez.
-Edalontzi berrerabilgarriak eta itzulgarriak
– Jaialdiko eremu guztietan eta fase guztietan (muntatzean, jaialdian bertan eta desmuntatzean) hondakinak bereiztea
– Hondakinen kudeaketari buruzko kanpo-auditoretza

13 – Klima babesteko ekintzak

– Elektrizitatearen banaketa-sarea optimizatzea, CO2 isurketak murrizteko
– CO2 isurketak monitorizatzea, urtez urte murrizteko
– Ikus-entzuleen aldetik mugikortasun jasangarria sustatzea, antolakuntzak jarritako autobusei esker

17 – Aliantzak helburuak betetzeko

– Baztertuak izateko arriskuan dauden pertsonei prestakuntza ematea Paideia fundazioarekin
– Kanpadendak dohaintzan ematea.
– Elikagaien bankuari dohaintza egitea.

INGURUMEN-JASANGARRITASUNA LAST TOUR EKITALDIETAN

ERRONKA GARBIA EKITALDI JASANGARRIA (IHOBEren ZIURTAPENA)

Erronka Garbia Eusko Jaurlaritzak onartutako ziurtagiria da, eta ekitaldi batek ingurumenean eragin ditzakeen inpaktu negatiboak minimizatzearren jaialdiaren diseinuan eta antolaketan ingurumen-neurriak txertatzen dituela ziurtatzen du.
Ekitaldi bat jasangarri izan dadin, ingurunean aldaketa negatiboak eragiteko aukera gehien dituzten ingurumen-alderdietan hobekuntzak txertatzeko hainbat neurri abiarazi behar dira. Horregatik, sei jarduketa-ardatz zehaztu dira, ekitaldiaren fase bakoitzean (muntatzea, jaialdia bera, desmuntatzea) sortzen diren ingurumen-eraginak minimizatzeko.

MUGIKORTASUNA

Last Tour-en jaialdietan, garraio publikoaren erabilera sustatzearren, ikus-entzuleen joan-etorrietarako hainbat aukera ditugu:
– Bidaia + sarrera pack-a erosteko erraztasunak ematen ditugu
– Garraio publikoaren erabilera sustatzen dugu
– Lehendik dauden zerbitzuen maiztasuna eta edukiera handitzen ditugu ekitaldiaren egunetan

EROSKETAK

Bai jaialdiak berak, bai antolatzaileek erosketa eta kontratazio berdearen politika dute ezarrita beren jarduerak ingurumenean duen eragina murrizteko. 0 KM KONTRATAZIO-POLITIKA

URA

Honako ziurtapen hauek betetzen dituzten instalazio higieniko-sanitarioak:
– Kalitatea kudeatzeko sistemen ziurtagiria (ISO 9001:2015)
– Estolderiarekin konektatu gabeko hondakin-kudeaketako sistemen ziurtagiria (UNE-EN-16194:2012)
– Ingurumena kudeatzeko sistemen ziurtapena (ISO 1401:2015)

Doan eskuragarri ikus-entzuleentzat (ur-iturriak doan jaialdian)

AZPIEGITURAK

– ISO 9001:2015 kalitate-estandarra betetzea formatu handiko azpiegituretan
– Apaingarriak eta eszenografia berrerabiltzea

ENERGIA

– CE ziurtagiria duten azken belaunaldiko sorgailuak
– Banaketa elektrikoa ekitaldiaren beharren arabera
– Itzaltzeko plana, kontsumoa murrizteko
– CE ziurtagiria duten makina efizienteak kontratatzea

HONDAKINAK

Last Tour ekitaldi guztiek hondakinen plan propioa dute, udaletxearekin eta hondakinen kudeaketarako entitate nagusiekin elkarlanean. Planak inpaktua gutxitzeko helburua garatzen du bi ekintzaren bitartez:
– Hondakinak gaika bereiztea
– Urteko inpaktua neurtzea

Une honetan hondakinak gutxitzeko plan zehatzak lantzen ari dira:
– Plastikozko botilak desagerrarazteko plana
– Seinale berrerabilgarriak
– Edizio batetik bestera berrerabil daitezkeen apaingarriak

BILBAO BBK LIVE ESPERIENTZIA

Jaialdi paregabea ingurune ezin hobean

BILBO

Bizitzaz beteriko hiri kosmopolita

Bilbao BBK Live Experience!

BILBAO BBK LIVE-RA JOATEAK SARIA DU

JASANGARRITASUNA

Kontzientzia eta oxigenoa ereiten dugu

Klima-aldaketarekin dugun konpromisoa

JASANGARRITASUNA

Kontzientzia eta oxigenoa ereiten dugu

Klima-aldaketarekin dugun konpromisoa

GARAPEN JASANGARRIRAKO HELBURUAKBILBAO BBK LIVE JAIALDIAN

BBK FUNDAZIOA, BILBOKO IRAUNKORTASUNAREN BAZKIDE ESTRATEGIKOA BBK LIVE

INGURUMEN-JASANGARRITASUNA LAST TOUR EKITALDIETAN

ERRONKA GARBIA EKITALDI JASANGARRIA (IHOBEren ZIURTAPENA)

MUGIKORTASUNA

EROSKETAK

URA

AZPIEGITURAK

ENERGIA

HONDAKINAK

NEWSLETTER

GARAPEN JASANGARRIRAKO HELBURUAK
BILBAO BBK LIVE JAIALDIAN