SUPEREUSKADI
Etorri zaitez Supereuskadira, euskal kultura eta gizartean zehar Vicente Paredesen begiradaren bidez.
Murgil zaitez lurralde honetako kulturan eta gizartean zehar egindako bidaia honetan Vicente Paredes argazkilariaren eta bere SuperEuskadi argazki-saiakeraren begietatik. Bilbao BBK Live jaialdiaren edizio honetan artistarekin bat egiten dugu, Euskadiren nortasuna eta idiosinkrasia erakusteko helburu komunarekin. Gure balio nagusia lehen planoan jartzen dugu zuentzat, 15 urte baino gehiagoz gure musika topaketa hartu duen lurraldea. Musika baino askoz gehiago gara, edozein arte adierazpen ongi etorria den esperientzia bat gara.
ALBOKA
Euskal Herriko haize-instrumentu tradizionala, egurrezko gorputz batean dauden bi txahal-adarrez osatua. Arnasketa zirkularreko etengabeko intsuflazioa eginez jotzen da. Doinu herrikoiak zenbatezinak diren arren, albokariek interpretazio askerako joera dute, eta bakoitzak bere estilo eta ukitu propioa ematen dio.
HARRIJASOTZAILE
“Harri” hitzak eta “Jaso” aditzak osatutako hitz konposatua. Ousmane Drame eta Garazi Arruti euskal kirolaren pentatloirako prestatzen ari diren bi harrijasotzaile dira. Beste proba batzuen artean, 100 kiloko harri hau 25 aldiz altxatzea dago.
TXIMISTARRI
Tximistarri hitza honela osatuta dago: tximista + harri.
Tradizioari jarraikiz, ekainaren 13an, Paduako San Antonio egunean, Tximistarri harkaitz handiaren inguruan 7 itzuli egin behar dira. Horren truke, ezinezko gertakarien zaindariak bikotekidea aurkituko duela bermatzen dio bilatzen ari denari.
Esku Pilota
Esku pilota; euskarazko hitz hau honela osatuta dago: eskua + pilota. Esku pilota euskal pilotaren espezialitate bat da. Erraketarik eta baterik gabe jokatzen da, pilota eskuarekin joz. Pilotariek esparatrapuaz eta oihalez babesten dituzte eskuak jokatzeko.
Pottoka
Kantauriar kostaldean Paleolito garaitik aurki daitezkeen zaldi txikien arrazari esaten zaio horrela Euskal Herrian.
Euskal artzain-txakurra
Milaka urte dituen txakur-arraza bat da; Euskal Herrian sortutakoa da, eta bi barietate ditu: Gorbeiakoa eta Iletsua. Ardiak zaintzeko sena dutelako dira ezagunak, eta artaldea gidatzen eta babesten dute toki batetik besterako bidean.
Euskal Oiloa
Euskal oiloa arraza pisutsu samarra da; oilarrak 3,6 kilo inguru dituzte eta oiloek 2,5 kilo. Hankak, oinak eta azala horial dira.
